Azkenaldi honetan petrolioaren gainbeherarekin jo eta su gabiltza eta informazio asko ari gara jasotzen handik eta hemendik. Batez ere Antonio Turiel-en blogetik edaten dugu baina beronek izugarrizko erreferentzia pillak egiten dituenez ba hainbat leku ezberdinetan ibiltzen gara informatzen.
Zenbat eta gehiago informatu orduan eta konszienteago gara benetan petrolioa gainbeheran dagoela eta orain arte ezagutu dugun bizitza estilo hau “bukatzear” dagoela. Garrantzi handia ematen zaio gainbehera hori noiz gertatuko ote den baina gertatuko denaren data zehatza jakiteak ez dauka horrelako garrantziarik, agian hemendik 15 urtetara orain daukagun energiaren %15arekin biziko gara, edo agian 20 urtetara, baina garbi dagoena da oso energía gutxirekin bizitzera ohitu beharko garela eta aldaketa garrantzitsuak izango direla datozen urteotan.
Gaur egun 2008an baino %20 energia inguru gutxiago gastatzen dugu (Turiel Blogean informazio gehiago), garraioa asko gutxitu da, eraikuntza ere gelditu egin da, industria oso flojo dabil eta familien kontsumoak ere behera egin du. Ba beherakada honek ez du geldialdirik izango, piskanaka piskanaka beheraka joango da ekonomia eta beheraka hau ONDO egitea da gelditzen zaigun aukera bakarra.
Guzti hau ikusi ondoren oso urduri ipintzen naiz gure herrian orain dela 10 urteko planteamentu berdinak ikusten ditudanean. Adibidez gure herrian, Azpeitian, plaza berria eraiki behar dute eta polikiroldegian ere berrikuntza garrantzitsuak egin behar dituzte.Gure Azpeitian gertatu den guztiarekin (fabrika pilloa itxi dira eta langabezia tasa haundiak daude), udaletxeko agintarien siglak aldatu diren arren gauza askotan lehengo lepotik dute burua, beste gauza asko aldatu dituzten arren.
Ematen duenez petrolio gutxi eta garestiaren egunak gainean ditugu iada, eta momento hoiek ez daukate hain txarrak izan beharrik egokitzapen prozesu bat aurrera eramaten bagu. Xabier Zubialdek ere aurten idatzi du Euskal Herria burujabetza energetikorantz gida, bertan energiaren arazoa eta trantsizioa egoki egiteko hartu behar dugun bidea agertzen digu. Besteak bveste energiaren burujabetza eta elikaduraren burujabetzaz hitzegiten du eta nere ustez bi hauek dira punturik garrantzitsuenak. Euskal Herria burujabe izan behar badu energía eta elikadura beharko ditu. Eta burujabetza hau lortzeko prestatu egin behar da, ez du balio eraikuntzan dirua gastatzeak, eraikuntzako enpresek ez dizkigute etorkizuneko patatak bermatuko, geure bizitzeko modua berformulatzeko erabili behar genuke oraindik daukagun diru apurra.
Botere finantzieroa eta politikoa dutenak badakite bai zer ari den gertatzen energiarekin eta azken momentura arte saiatuko dira berau ezkutatzen, gaur frackinaz hitzegingo digute eta bihar hondar bituminosoei buruz baina jasaten ari garen erorketa honen atzean faktore garrantzitsuenetakoa energiaren falta da. Denok dakigu bai erregai fosilak finituak direla eta Euskal Herrian guztiz dependientea dela berauekiko. Nork ekarriko dizkigu frutak, arroza, pasta, olioa, zerealak, berdurak etb gasolina oraingo prezioa baino 10 aldiz gehiago kostatzen denean?